Реонски суд во Букурешт усвои денеска барање за предвремено ослободување од затвор на поранешниот премиер Адриан Настасе, кој беше осуден на две години затвор за корупција.
Одлуката на судот не е конечна, а Националната дирекција за борба против корупцијата има право на жалба во тридневен рок.
Поранешниот премиер од Социјалдемократската партија во периодот од 2000-2004 година Адриан Настасе е највисокиот политичар, осуден за корупција во Романија. Против него се водат неколку процеси, а во јуни минатата година, Врховниот касационен суд го осуди на две години затвор за незаконско финансирање на предизборната кампања за претседателските избори во 2004 година.