Во Мјанмар во напади врз муслимани беа опожарени џамија, муслиманско сиропиталиште и продавници во североисточниот град Лашио, по непотврдени информации дека муслимани запалиле будистка.
Според полицијата нема жртви во насилствата кои избувнаа синоќа. Властите воспоставија полициски час во Лашио, откако разгневена толпа ја опколи локалната полициска станица со барање да и биде предаден приведен муслиман.
Во градот живеат под 2.000 муслимани од вкупно население од 130.000 лица. Во Мјанмар од минатата година има судири меѓу будистите, кои се мнозинство од населението, и муслиманското малцинство.