Девојчињата кои посетуваат настава во приватни училишта во Саудиска Арабија во иднина ќе можат да се занимаваат со спорт, решија властите во Ријад.
Ваквата одлука е донесена во рамките на пакет-мерките за постепено зголемување на правата на жените во оваа ултраконзервативна исламска монархија.
Дозволата се однесува само за занимавање со спорт во текот на школувањето, додека на жените и натаму им е забрането активно да спортуваат.
Сепак, и покрај забраната за „женски спорт“, на Олимпијадата во Лондон минатата година првпат во историјата учествуваа и две спортистки од Саудиска Арабија и тоа пред се благодарејќи на силниот притисок од страна на Меѓународниот олимписки комитет.