Примирје во Украина е малку веројатно пред пролетта следната година, а европските сојузници мора да продолжат да ја поддржуваат земјата и покрај корупцискиот скандал што го зафати Киев, изјави денес финскиот претседател Александар Стуб.
Во разговор за АП во воена база северно од Хелсинки, Стуб рече дека на Европа ќе ѝ треба „сису“, фински збор што значи издржливост, отпорност и храброст, за да ги преброди зимските месеци додека Русија продолжува со своите хибридни напади и информациска војна низ целиот континент.
Тој рече дека го користи својот добар однос со американскиот претседател Доналд Трамп, со кого редовно разговара и повремено игра голф, за да се залага за Украина.