Командантот на бунтовничките сили Игор Гиркин, познат како Стрелков, смета дека рускиот претседател Владимир Путин е заложник во војната во Украина поради одлуката да не ги анектира ДНР и ЛНР.
Според неговите зборови претседателот на Русија би требало да испрати војска на исток на Украина и со регионот на Донбас да направи исто како што направи со Крим, да го присоедини кон својата држава.
-Путин не разбира дека веќе е зад црвената линија која што му ја постави Запад и под влијание на бирократи и олигарси одлучи да сопре на Крим. Поради тоа сега имаме војна која се разгорува, без оглед на желбите на Русија – рече Стрелков.
Тој уште еднаш ги демантира шпекулациите дека руските трупи им помогнале на бунтовничките сили во операциите на исток на Украина.
-Мислам дека одредени руски тајни служби знаеја што ќе се случи, но не испратија никаква помош, нагласи поранешниот министер за одбрана на ДНР.
Е. Г.