Невремето пропратено со торнадо и силен дожд однесе најмалку девет човечки животи на југот на Соединетите Американски Држави, а повеќе од милион луѓе останаа без електрична енергија, соопштија властите.
Националната метеоролошка служба соопшти дека силен олуен бран го преминал јужниот дел на Соединетите држави и продолжил да се движи кон североисток доцна во петокот навечер, каде денеска се очекуваат врнежи од снег во широка област од југоисточен Мичиген до државата Њујорк, пренесува Ројтерс.
Во централните делови на државата Њујорк и јужна Нова Англија се очекува до попладнево снежната покривка да надмине 30 сантиметри.
Гувернерот на Кентаки, Енди Бешеар, го потврди ударот на најмалку две торнада во западниот дел на државата во кои загинаа најмалку три лица, а четвртата жртва е жена која загинала кога дрво паднало врз автомобилот во кој се наоѓала.
Според гувернерот Бешир, ветрот достигнал брзина од над 128,75 километри на час со налети „доволно силни за да ги однесат тракторските приколки од патот“.