Повеќе од 60 луѓе загинаа во силната зимска бура во САД, од кои повеќето во округот Ири во државата Њујорк, каде што се наоѓа вториот по големина град во државата Бафало, јави денеска Би-Би-Си.
Според информациите, во тек е идентификацијата на десетици жртви кои ги загубија животите во зимското невреме во САД.
Жртвите биле пронајдени во нивните автомобили или на студениот тротоар, па дури и во релативната безбедност на нивните домови.
Зимското невреме придружено со снег и многу ниски температури минатата недела зафати големи делови од САД, а најтешко беше погоден градот Бафало.