Генералниот секретар на НАТО Јенс Столтенберг се сретна со претседателката на ЕК, Урсула фон дер Лајен и укажа на се што направија НАТО и ЕУ заедно оваа година.
– Нaшата работа вклучува работа кон постојана стабилност на Западен Балкан – рече Столтенберг.
Столтенберг, кој присуствуваше на состанокот на Колегиумот на еврокомесари во Брисел, ѝ се заблагодари на претседателот на Европската комисија бидејќи, според него, таа била движечката сила зад партнерството НАТО-ЕУ.
Тој рече дека НАТО и ЕУ имаат многу заеднички работи, споделуваат исти вредности и се соочуваат со исти предизвици.
Столтенберг истакна дека НАТО и ЕУ направија повеќе заедно оваа година, што вклучува работа кон постојана стабилност на Западен Балкан, борба против дезинформациите и подобрување на нивното стратешко партнерство во области како што се воената мобилност, сајбер просторот и просторот.
Тој рече дека НАТО и ЕУ испратиле силна порака до рускиот претседател Владимир Путин дека ќе стојат покрај Украина се додека тоа е потребно.
Столтенберг оцени дека војната во Украина ја покажува потребата од зголемување на индустриското производство на клучна муниција и ги поздрави напорите на ЕУ за зголемување на производствените капацитети и заедничките набавки.
Тој предупреди дека се потребни силни институции како НАТО и ЕУ додека расте нестабилноста со „бруталните војни во Украина и на Блискиот Исток“, постојаната закана од тероризам, кризата предизвикана од климатските промени и „авторитарните режими кои го загрозуваат меѓународниот поредок“.