Вицепремиерот и министер за внатрешни работи Ивица Дачиќ изјави дека Националната полиција на Шпанија потврдила до Министерството за внатрешни работи на Србија дека во шпанскиот град Естепона е убиен српски државјанин.
– Од Националната полиција на Шпанија ни потврдија дека на 12 август во градот Естепона бил убиен српскиот државјанин С. М.(1988) од Белград. Убиството било извршено со огнено оружје, а на лице место починал С.М. Лицето имало лажен идентитет на белгиски државјанин. Според информациите од шпанската полиција, засега нема врска меѓу овој настан и трговијата со дрога и организираниот криминал. По него е распишана меѓународна потерница од Интерпол Белград, бидејќи бил член на организирана криминална група која се занимавала со неовластено производство и пуштање во промет на наркотични дроги, заради непосредна финансиска корист. Лицето имало задача да натовари кокаин на бродот, како и да ја надгледува дрогата, нејзино отстранување од европските пристаништа и понатамошна дистрибуција, а сето тоа било снимено во комуникацијата преку апликацијата „SkyEcc“ – изјави Дачиќ.