Спасувачката екипа го извлече на површина шпанскиот спелеолог, Сесилио Лопес Терсеро (40), кој во тек на истражување се здоби со тешка повреда на рбетот, поради што 12 дена беше заробен на 400 метри длабочина, во пештера на североисток на Перу, пренесе „Франс прес“.
Во акцијата за спасување учествуваа повеќе од 100 припадници на интернационален тим, кои со заеднички напори на носила го извлекоа повредениот спелеолог, кој подоцна со хеликоптер е пренесен во болница во главниот град на Перу, Лима.
-Повредениот е во стабилна состојба -рече шефот на полицијата, Хорхе Луис Калдерон .
Е.Г.