Советот за безбедност на ОН денеска првпат треба да расправа за ситуацијата во Украина, откако распоредувањето руски војници во близина на границата предизвика тензии со Западот.
САД го ставија ова прашање на дневен ред минатата недела по неформалните разговори со другите членки на Советот за безбедност и Украина.
– Ова не е момент да се чека и да се види. Сега е потребно целосно внимание на Советот и со нетрпение очекуваме директна и целисходна дискусија во понеделник, рече американската амбасадорка во ОН Линда Томас-Гринфилд.
Расправата треба да биде јавна.
Извор: МИА