Сопственикот на романскиот фудбалски клуб „Стеауа“ од Букурешт Џиџи Бекали е осуден на тригодишна условна затворска казна, бидејќи во 2009 година противзаконски држел во заробеништво тројца луѓе, јави Танјуг.
Според полицискиот извештај во јули 2009 година три лица се однесени во куќа во предградие на Букурешт, каде Бекали ги држел три часа бидејќи наводно му го украле автомобилот.
Бекали по судската пресуда најави дека можеби со семејството ќе се исели од Романија.
– Романија повеќе не е безбедно место. Не сакам да видам како плачат членови од семејството, изјави Бекали.
Тригодишната затворска казна за Бекали е изречена условно на период од осум години, во кои тој ќе треба секој месец да се јави во полиција.