Сопругот на поранешната украинска премиерка Јулија Тимошенко, која во својата земја отслужува седумгодишна затворска казна се обидува да ја префрли во Германија.
Според чешките медиуми, Олександр Тимошенко најмил американска фирма која ќе лобира кај американските власти и членови на Конгресот да го поддржат барањето на германската канцеларка Ангела Меркел за префрлување на експремиерката во болница во Берлин.
Јулија Тимошенко е обвинета за склучување на неповолен договор за купување на руски гас и нанесување штета на државата. Нејзиното притворање предизвика силни протести во САД и во земјите на ЕУ, обвинувајќи ги украинскиот претседател Виктор Јанукович за злоупотреба на правниот систем за политички цели.
Сопругот на Јулија побара азил во Чешка обвинувајќи ги украинските власти за притисоци врз неговото семејство.