Група пратеници од владејачката Социјалдемократска партија и на Националниот сојуз за прогрес на Романија, предлагаат гласањето да биде задолжително за сите граѓани со право на глас со исклучок на оние над 80 години и лицата со хронични заболувања.
Неучество во гласање би се казнувало со 1000 леи (228 евра).
Потписниците на иницијативата предлагаат и на секое гласачко ливче да има и предлог – Ниту еден од кандидатите.
Според иницијаторите, доколку бројот на гласовите за тој предлог е 50 отсто плус еден, тогаш би требало да се организира нов круг од изборите.
Со тоа, според нив, се намалуваат шансите за изборни измами.
Во ЕУ има 4 држави каде гласањето е задолжително и каде неучеството се санкционира – Кипар, Грција, Луксембург и Белгија. И две држави во кои гласањето е задолжително, но не се казнува ако не се гласа – Италија и Португалија.