Американски конгресмен од државата Масачусетс, кому веќе му биле аплицирани двете дози на вакцината против Ковид-19 на Фајзер/БиоНТех е позитивен на коронавирусот.
Кабинетот на конгресменот Стивен Линч соопшти дека тој имал негативен тест пред да присуствува на церемонијата на инаугурацијата на американскиот претседател Џо Бајден.
Се претпоставува дека Линч е позитивен на тест за Ковид-19 откако бил во контакт со соработник во Бостон кој бил заразен.
Во соопштението се додава дека Линч не покажува никакви симптоми на Ковид-19. Тој ќе се изолира, нема да присуствува лично во Конгресот следната недела и ќе гласа преку полномошник.