Словенечката полиција врши претрес на домовите на двајца челници на Нова љубљанска банка (НЛБ) и на УниКредит, а цел на истрагата се Јанко Медја и Франце Архар, јавуваат словенечки медиуми.
Наводно, истрагата околу НЛБ се фокусира на постапката за продажба на Меркатор.
Предмет на постапката е истрага за инсајдерски информации кои влијаеле на цената на акциите со кои располагале одговорни лица во банкарски институции злоупотребувајќи ги за купување на тие вредносни хартии.
За кривично дело злоупотреба на инсајдерска информација предвидена е затворска казна до пет години, објавува љубљански Дневник.