Новата година во Словачка започна со хорор во вистинска смисла на зборот откако пиротехника направена во домашни услови му ја откина главата на 60-годишен Словак.
Како што јави дописникот на МИА, несреќата се случила кратко по полноќ на плоштадот во Бановце над Бебравоу во западниот дел на Словачка.
Мажот, домашната пиротехника ја ставил во вентилациски отвор на споменик на паднати борци и експлозијата му ја откинала главата и едната рака.
Вкупно, во Словачка по употреба на пиротехнички средства биле повредени 34 луѓе, од кои пет деца.