Словачкиот премиер, Игор Матович, утре ќе поднесе оставка на функцијата, а претседателката, Зузана Капутова, ќе побара од министерот за финансии Едуард Хегер да формира нов кабинет, изјави денеска Хегер по состанокот со претседателката.
Матович вчера конечно се согласи да замине од функцијата, менувајќи ја со министерот за финансии, Хегер, само за да ги задоволи барањата на коалициските партнери за напуштање на местото шеф на владата, јавија британските медиуми.
Словачка е сериозно погодена од пандемијата на коронавирусот, а владината криза изби откако Матович ја нарача руската вакцина „Спутник V“ без консултации и знаење на коалициските партнери.