„Слеп патник“ е пронајден во багажниот простор на авионот на „Ер Алжир“, итно е пренесен во болница

„Слеп патник“ е пронајден утрово во критична состојба во багажниот простор на авионот на „Ер Алжир“ на аеродромот Орли во Париз.

Животот на лицето е во опасност и е пренесено во блиската болница.

Авионот полета од западниот алжирски град Оран, кој е на два и пол часа лет до Париз.

Во багажниот простор на авионот температурите се движат меѓу минус 50 и минус 60 Целзиусови степени, а нема ни доволно кислород.