Скандинавска интернет-страница за „осамени срца“ денеска се извини бидејќи по грешка користела фотографија на починатиот претседател на Полска, Лех Качински на билборди во Варшава, со кои се повикуваат луѓето да внесат повеќе романтика во врските.
Шефот на Сајтот „Викторија Милан“, Сигурд Ведал изјави дека кампањата требало да биде шеговита, а на фотографијата требало да биде поранешниот премиер, братот близнак на Лех Качински, Јарослав.
Јарослав Качински не е оженет и сака мачки и слики од мачки.
Билбордите поставени во понеделникот, предизвикаа серија негативни реакции, бидејќи наместо фотографијата на Јарослав, на билбордите се најде неговиот близнак, Лех, кој загина во авионска несреќа во Русија во 2010 година.
– Близнаците се многу слични, изјави Ведал, објаснувајќи ја грешката.