Сириската влада нема да учествува на никаков дијалог со опозицијата, доколку сириските опозициски претставници настојуваат претседателот Башар ал Асад да биде отстранет од функцијата, изјави Башар Џафери, предводникот на сириската владина делегација на мировните преговори во Женева.
На преговорите не беше постигнат напредок, а Џафери ја критикуваше сириската опозиција за нејзиното соопштение, со кое што посочуваат дека крајна цел е разрешување на Асад. Тој ги обвини западните земји и Саудиска Арабија за саботажа и уцена, нагласувајќи дека нема да подпаднат под политичкиот притисок.