Сириската делегација ги напушти мировните преговори кои што се одржуваат во Женева, под покровителство на ОН. Претставникот на сириската влада, Башар ал Џафари посочи дека најверојатно нема да се вратат ни наредната недела.
Тој додаде дека поводот за напуштањето на преговорите е декларацијата на сириската опозиција од мировната конференција „Ријад-2“, каде што се наведува дека нема место во транзицискиот период за сирискиот претседател Башар ал Асад.
– Додека другата страна го користи јазикот на „Ријад-2“, напредок нека да има, наведе Џафари.
Стефан де Мистура, специјалниот пратеник на ОН најави дека последната рунда преговори, што започна во средата, ќе биде прекината вечерва, а со разговорите ќе продолжат во вторник и тие ќе траат до 15 декември.
Според Мистура, главни теми на продолжението на преговорите ќе бидат изработката на нов устав на Сирија и организирањето на претседателски и парламентарни избори под контрола на ОН.