Земјотрес со интензитет од 6,1 степен според Рихтер е регистриран утрово меѓу Мароко и Шпанија, соопшти американскиот Геофизички институт.
Засега нема податоци за евентуални жртви и причинета материјална штета, ниту постои опасност од цунами.
Епицентарот на потресот се наоѓал на 62 километри северно од мароканскиот град Ал Хосеима и на 164 километри југозападно од Гибралтар.
Веднаш по првиот следел и втор земјотрес со интензитет од 5,3 степени.