Земјотрес со интензитет од 6,7 степени според Рихтеровата скала е регистриран денеска во близина на Папуа-Нова Гвинеја, соопшти Американскиот геофизички институт.
Засега нема информации за евентуални жртви или причинета материјална штета, ниту пак е издадено предупредување за појава на цунами.
Епицентарот на потресот се наоѓал на длабочина од 84 километри под морското дно, на 320 километри од главниот град на Папуа-Нова Гвинеја, Порт Морсби.