Најмалку три лица загинаа, а неколку други се повредени при земјотрес, чија јачина прелиминарно се проценува на 4,9 степени според Рихтеровата скала, утринава го погоди јужниот дел на Хаити, соопштија властите.
Земјотресот се случил пред зори во близина на крајбрежниот град Џереми, на длабочина од 10 километри, соопшти Американскиот геолошки топографски институт.
Телата на тројцата мртви се пронајдени под урнатата куќа, изјави за АП Франкел Мегинер, од Агенцијата за цивилна заштита на Хаити во Џереми.