Земјотрес со интензитет од 6,8 степени според Рихтеровата скала го погоди денеска јужниот дел на Нов Зеланд.
Засега нема извештаи за евентуални загинати и за причинета материјална штета.
Епицентарот на потресот бил на 196 километри од Северозападен Оукленд, на длабочина од десет километри.
Засега не е издадено предупредување за цунами.
Земјотрес со интензитет од 6,8 степени според Рихтеровата скала го погоди главниот град на Нов Зеланд Велингтон, но засега нема информации за посериозна материјална штета или за евентуални жртви.
Според Геофизичкиот институт на САД епицентарот бил на 94 километри западно од Велингтон на длабочина од десет километри кај северниот врв на новозеландскиот Јужен остров.
Потресот причинил полесна материјална штета на некои згради, а воздушниот и железничкиот сообраќај се стопирани, се додека властите не извршат проверка на шините и на пистите.
Нов Зеланд е дел од т.н. тихоокеански „Огнен прстен“, каде има редовни сеизмички активности.
Во 2011 година земјотрес со интензитет од 6,3 степени според Рихтеровата скала, но на помала длабочина разурна голем дека од вториот по големина новозеландски град Крајстчрч, при што загинаа 185 лица.
