Во пожар кој што денесе изби на паркинг кај Олимпискиот стадион во Сиднеј, уништени се 47 автомобили, додека 33 се тешко оштетени, пренесуваат агенциите.
Повеќе од 50 пожарникари учествувале во борбата со огнот на паркингот кај Аква центарот, каде што во 2000 година се одржаа Олимписките игри, додека стотина лица се евакуирани поради експлозии на резервоарите и гуми.
За среќа во пожарот нема повредени. Надлежните велат дека причина за пожарот најверојатно е неизгасната цигара фрлена во близина на тревникот, по што огнот поради силниот ветер се проширил кон паркираните автомобили.
Елена Георгиевска