Жена во Шведска се породила во автомобил кој вчеравечер се превртел на автопатот меѓу Сандвикен и Јевле. Во превртениот автомобил биле четири лица.
– Откако автомобилот се превртел и завршил во ендекот крај патот, бремената жена, која се наоѓала во возилото, се породила на задното седиште, рече Темо Аленбек, дежурен командир при полицијата во регионот Јевелборг.
Четирите лица во превртениот автомобил и новороденчето биле однесени со амбулантно возило во болницата во Јевле.
– Состојбата е стабилна и на мајката и на новороденчето, а и никој од другите патници во возилото не добил посериозни телесни повреди, вели Аленбек за Шведската телевизија СВТ.