Шведската кралска двојка е изложена на бура од реакции и критики во јавноста откако по посетата на местото Херносанд на подарок добија палестински шалови и притоа позираа со нив, јави дописникот на МИА од Гетеборг.
На шаловите беше испишан арапски текст кој во превод значи “Наша Акса, а не нивен храм“.
Текстот се однесува на познатаа џамија Ал-Акса која се наоѓа во Стариот град на Ерусалим.
Лиса Абрамович од здружението „Шведска информација за Израел“ смета дека пораката е неприфатлива за кралската двојка.
– Би сакала да укажам дека тоа е политичко маркирање против израелското присуство околу Ерусалим. Освен тоа, се случува во мошне чувствителен момент во контекстот на мировните преговори меѓу Израел и Палестина, вели Абрамович за Шведската телевизија.
Бертил Тернерт, шеф за информации при шведскиот кралски двор вели дека настанот доби преголеми димензиии и дека кралската двојка немала никаква шанса да сфатат каква била целта со таквиот подарок што го добиле.
–Кралската двојка добива многу подароци и цвеќиња. Во овој случај им ги ставиле шаловите околу вратот на кралот и на кралицата, при што тие и немале некаква алтернатива, вели Тернерт.
Изралеската амбасада немала никаков коментар за медимуите.