Претседателот на Европскиот парламент Мартин Шулц тврди дека ЕУ поради недостаток на демократија се претворила во чудовиштето Франкенштајн.
Според него, главниот проблем е непочитувањето на принципот за поделба на власта, еден од основните столбови на демократијата.
– Националниот суверенитет во Европа се заснова врз поделбата на власта: имаме влади кои парламентите можат да ги соборат и судови кои внимаваат правилата да се почитуваат, истакна Шулц.
Тој тврди дека во институциите на ЕУ се вградени само делови на оваа рамка, но не и поделбата на власт.
– Тоа е она што јас го нарекувам „Франкенштајнова Европа“, додаде Шулц.
Претседателот на ЕП за Европската комисија истакна дека е најнедемократска институција на ЕУ, бидејќи е подложна на минимален надзор врз пратениците и „само ги оттуѓува луѓето“.
Шулц смета дека решението е во огромни реформи, со кои ќе се намалат овластувањата на ЕК на штета на Парламентот.