Националното здружение на италијански новинари најави за в понеделник штрајк поради предложенот закон, во кој е задржана одредбата, според која на новинарите осудени за клевета им се заканува затворска казна, а казната за нивните уредници е намалена на парична.
Здружението на италијанските новинари денеска соопшти дека предложениот закон ја ограничува слободата на медумите.
Штрајкот ќе ги опфати новинарите од радиото, телевизијата, весниците и агенциите.
Сенатот в понеделник ќе гласа за мерката, согласно која е предвидена казна затвор до една година за новинарите осудени за клевета, додека одговорниот уредник може да биде казнет до 50 илјади евра.
Парламентот го предложи законот, откако на еден уредник му е изречена казна од 14 месеци затвор за клевета, што наиде на протест на Репортери без граници.
Здружението на новинарите бара целосно укинување на одредбата за затворска казна.