Германскиот весник Шпигл направи листа на 10-те најопасни европски политичари, меѓу кои се најдоа и Виктор Орбан, Силвио Берлускони и Мари Ле Пен.
На сите заедничко им е што се популисти кои би можеле сериозно да го загрозат „европскиот проект“.
На листата на Шпигл се наоѓаат и баварскиот министер за финансии Маркус Содер, Алексис Ципрас, кој е на чело на грчката Сириза, Тимо Соини, кој ја води националистичката финска партија Вистински Финци, Герт Вилдерс, шеф на холандската Партија за слобода, Александар Добринт, Најџел Фараж, шеф на Независната партија во Велика Британија и член на Европскиот парламент и Хајнц Кристијан Штрах, шеф на Слободарската партија во Австрија.
Сите се избрани на слободни парламентарни избори од бирачите во своите земји и ги претставуваат националните интереси, секој на свој начин.
Наведените политичари јавно заговараат тези дека постојат алтернативи во претставувањето на европската политика и тоа е доволно за да се прогласат за опасни, пренесува хрватскиот Т портал.