Шпанските власти денеска соопштија дека ќе извршат проверка на целокупната железничка мрежа во земјата во несреќата во која загинаа 79 лица.
– Ќе спроведеме генерална проверка на сите протоколи и безбедносни системи, како и дозволената брзина на мрежата. Во прашање е целокупната железничка мрежа, изјави шпанската министерка за јавни работи Ана Пастор.
Проверката следи околу 15 дена по железничката несреќа во Сантијаго де Компостела во која загинаа 79 лица, а беа повредени над 180 луѓе.
Пастор нагласи дека врз основа на добиените анализи ќе биде донесена одлука за подобрување на безбедноста.