Шпанските социјалисти и каталонската сепаратистичка партија ЕРЦ (Eskera Republikana de Katalunja) синоќа соопштија дека имале конструктивен дијалог за време на првиот официјален состанок на кој разговарале за формирање на новата шпанска Влада.
Во заедничкото соопштение, лиферувано по 2,5-часовниот состанок, партиите неведуваат дека разговарале за разликите, но и за заедничката одлучност да ги продоложат разговорите за да овозможат формирање влада и да обезбедат политичка стабилност во земјата, јавија британските медиуми.
Партиите наведоа дека следната средба е закажана за 3 декември.
На вонредните парламентарни избори, што се одржаа на 10 ноември, Социјалистичката работничка партија ПСОЕ на премиерот Педро Санчез освои 120 од 350-те места во Долнот дом на шпанскиот Парламент, Народната партија освои 88, а десничарската партија Вокс 52 мандати. Партијата на левицата Подемос освои 35, додека Републиканската левица на Каталонија има 13 пратенички места во парламентот.
Партијата Суидаданос освои само 10 места и има за 47 помалку отколку на претходните избори.