Шпанската Влада денеска соопшти дека ќе испрати 300 војници за да ги обучуваат ирачките војници за борба против џихадистите од Исламска држава.
Шпанскиот министер за одбрана Педри Моренес изјави дека тие војници, кои се во составот на коалициските сили предводени од САД против ИД, нема да бидат вклучени во борбите.
Тој наведе дека цел на седумдневната операција има задача да го спречи напредувањето на ИД преку обука на ирачките војници за ракување со експлозив, чистење на мини и за специјални операции.
Мисијата на шпанските војници мора да ја одобри Владата во Мадрид.
Тоа ќе биде првпар шпанските војници да бидат распоредени во Ирак откако во 2004 година беа повлечени шпанските мировни сили кои учествуваа во инвазијата на Ирак.