Австралискиот премиер Скот Морисон одговори на коментарите на Грета Танберг за улогата на политичарите во катастрофалните пожари во Австралија.
Масовните пожари во неколку австралиски држави доведоа до вонредна состојба. Во повеќе од 200 пожари во четири австралиски држави изминативе неколку месеци се изгорени околу три милиони акри, девет лица ги загубија животите и уништени се повеќе од 800 домови.
Еколошката активистка, Грета Тунбер, во објава на „Твитер“, ја критикуваше улогата на Морисон во решавањето на вонредните ситуации.
Not even catastrophes like these seem to bring any political action. How is this possible?
Because we still fail to make the connection between the climate crisis and increased extreme weather events and nature disasters like the #AustraliaFires
That's what has to change.
Now. https://t.co/DQcZViKJQz— Greta Thunberg (@GretaThunberg) 22 décembre 2019
Објавата на Тунберг беше споделена повеќе од 170.000 пати, што го натера Морисон да одговори.
Морисон рече дека е фокусиран на интересите на Австралија, а не на „воодушевување“ на луѓето во странство со неговата политика.
„Австралија и австралиската влада ќе ги постават нашите политики врз основа на австралиските национални интереси, врз она што Австралија треба да го направи. Така се фокусирам “, рече Морисон.
„Не е на мене да коментирам што оние надвор од Австралија мислат дека Австралија треба да направи. Во Австралија ќе го направиме тоа што мислиме дека е правилно за Австралија. И тоа секогаш беше мој водечки принцип.“, додаде Морисон, кој беше критикуван во врска со актуелната катастрофа, вклучувајќи го и ставот на владата за климатските промени сред одбивањето да се намали индустријата за јаглен.