Израелскиот претседател Шимон Перес на денешниот состанок со судиите на Меѓународниот суд на правдата во Хаг изјави дека сите опции мора да бидат отворени за принудување на Иран да се откаже од својата нуклеарна програма.
Перес оцени дека економските санкции за Иран само делумно можат да послужат, потсетувајќи дека Сирија минатата недела се согласи да се откаже од програмата за хемиско оружје под закана за употреба на сила од страна на САД и притисокот од Русија да се согласи.
За денеска е предвидено израелскиот премиер Бенјамин Нетанјаху на средбата со американскиот претседател Барак Обама да разговара за односите со Иран.