Шест лица загинаа во борба на нарко картели во Мексико

Од:

Шест лица загинаа во вооружен конфликт меѓу ривалски нарко картели во државата Закатекас во северниот дел на Мексико, соопштија денеска локалните власти.

Државниот совет за безбедност на Закатекас објави дека телата се пронајдени во рурална област на таа држава и дека загинатите припаѓаат на една од бандите, која не ја именуваа.

Полицијата пронашла двајца ранети, како и еден осомничен и поголемо количество оружје.

Според соопштението, ранетите се пренесени во болниците на понатамошно лекување.

Тие, исто така, пронајдоа некој вид камп што го користеа картелите за обука и задржување на жртвите на киднапирањaта.

Советот соопшти дека кампот бил уништен за да се спречи повторно да се користи.

Закатекас долго време е сцена на крвави конфликти меѓу ривалските картели Халиско и Синалоа, кои често функционираат преку локални банди.

Би можело да ве интересира

Трамп ги паузира и царините за Канада

Трамп ги паузираше царините за Мексико

Силен земјотрес го погоди Мексико

Мексико најави одговор на царините од САД

Горан Наумовски

Мексико екстрадираше нарко-бос и 28 други осуденици во САД

Трамп ги одложи царините за Мексико

Горан Наумовски