Шест лица, меѓу кои пет адолесценти на возраст од 17 и 18 години, се убиени во вооружен напад во Мексико, соопштија локалните власти.
-Со тага ве информирам дека шест лица ги загубија животите, изјави Цезар Прието, градоначалник на Саламанка, градот во кој се случи нападот во близина на основното училиште.
Полицијата наведе дека вооружена група пукала врз студентите, како и врз една 65-годишна минувачка.
Мотивот за нападот засега не е познат, а сите жртви биле веќе мртви кога на местото пристигнала полицијата и брзата помош.
Државата Гуанахуато е центар на мексиканската нафтена индустрија, и важи за една од државите со најмногу насилство. Кон крајот на мај, во вооружен напад на хотел во градот Селаја, трет по големина во оваа мексиканска држава, загинаа осум жени и тројца мажи.
Извор: МИА