Северна Кореја денеска истрела ракета која би можела да биде балистичка ракета, соопшти јапонското Министерство за одбрана, а пренесува Кјодо.
Војската на Јужна Кореја, исто така, соопшти дека Северна Кореја лансирала неодредена балистичка ракета кон Источното Море.
Во соопштението на генералштабот на јужнокорејската армија не се изнесени повеќе детали бидејќи анализата е во тек, наведува агенцијата Јонхап.
Северна Кореја претходно соопшти дека извршила тестирање на моќта на „супер голема боева глава“ за стратешка крстосувачка ракета и во петокот истрелала нова противвоздушна ракета во Жолтото Море.