Сенегал ќе испрати во Саудиска Арабија 2.100 војници кои ќе се вклучат во меѓународната коалиција против шиитскиот бунт во Јемен.
Сенегал ќе учествува во коалицијата по барање на саудискиот крал Салман.
Министерот за надворешни работи на Сенегал, Макеур Ндијае соопшти пред парламентот за одлуката за испраќање војници во Саудиска Арабија и прочита писмо од претседателот маки Сал во кое се вели дека државата се приклучува кон коалицијата бидејќи јеменските бунтовници се закана за регионалната стабилност и за Исламот.
Сенегал ќе биде првата држава од подсахарска Африка што ќе се вклучи во воената интервенција во Јемен. Мнозинството Сенегалци се муслимани сунити.