Седум лица загинаа, а најмалку 15 беа ранети денеска во самоубиствен напад во Јемен, соопштија полициски извори.
Нападот бил извршен на фреквентен пазар во градот Мариб, источно од главниот град Сана.
Засега не е познато кој е одговорен за нападот.
Обновувањето на судирите во Јемен претставува закана за прекинот на огнот, кој е во сила од 10 април и во голема мера се почитуваше, во текот на мировните преговори во Кувајт меѓу страните во конфликтот во најсиромашната арапска држава.