Се уште има тела на местото каде пред повеќе од една недела се урна малезискиот авион Боинг 777, изјави денеска австралискиот премиер Тони Абот.
Тој наведе дека некои тела не ни биле тргнати од местото на несреќата.
– Поради тоа е важна меѓународната мисија, истакна Абот, додаваќи оти ангажманот на Австралија во Источна Украина ќе биде само хуманитарен.
Австралија планира да испрати 190 полицајци и неколку војници во меѓународната мисија, која ќе го обезбеува местото на несреќата со цел да се тргнат сите тела.