Мостот на реката Јелоустоун во американската сојузна држава Монтана денеска се урна, по што асфалтот и сулфурот, отровни материи што ги превезувал товарен воз кој се наоѓал на мостот во моментот на уривањето, влегле во реката.
„Вагоните носеа асфалт и сулфур“, рече началникот на службата за итни случаи на округот Стилвотер, Дејвид Стами.
Официјалните лица го исклучија снабдувањето со вода за пиење низводно додека се проценува опасноста.
Стејми рече дека нема непосредна опасност за екипите кои работат на местото на настанот и дека опасниот материјал бил разреден во надојдената река.
Извештаите укажуваат дека возот се превртел поради уривање на мостот. Во реката и на делот од мостот кој се урна имало осум вагони.