Џорџ Буш, поранешниот претседател на САД, призна дека неговата вечера во Санкт Петербург ја служел Евгениј Пригожин, шефот на Вагнер кој загина во авионска несреќа. Како што пишува Киев пост, на конференцијата за европската стратегија на Јалта (ДА) во Киев, Буш зборувал преку видео врска.
“Бев шокиран што пред некој ден видов слика од самитот на Г8 во Санкт Петербург каде што Пригожин беше момчето што ми сервираше храна. Тој беше готвач. Единственото нешто што знам е дека преживеав”, рекол поранешниот американски претседател. Станува збор за фотографии од 2006 година на кои во позадина се гледа Пригожин. И тоа не беше нивна прва средба. Пригожин може да се види и на фотографии од 2022 година.
2002 год, Джордж Буш в гостях у Владимира Путина. В роли официанта – Евгений Пригожин. pic.twitter.com/rTou84k3wa
— Dmitry Kolezev (@kolezev) November 23, 2022
Пред да стане шеф на Вагнер, Пригожин бил вклучен во бизнисот со храна и често обезбедувал храна за настани организирани од рускиот претседател Владимир Путин. Затоа го нарекоа „готвачот на Путин“.
„Тој сака голема империја и сега е време тоа да се запре“, рече Буш на конференцијата. За Путин, додаде тој, инвазијата на Украина не е последниот чекор. „Мислам дека тој денес е помоќен отколку кога бев претседател. Тој не се плаши да ја искористи својата моќ за да влијае на својата иднина, но загриза малку поголем залак отколку што може да изџвака“, заклучи Џорџ Буш.