Жител на романскиот град Петрила денеска се самозапали додека траеше гласањето за избор на градоначалници и локални советници.
Романецот кој гласал на изборното место во едно училиште се заканил дека ќе се запали, а како причина навел дека бил оштетен во неколку наврати порано од градоначалникот на Петрила. Тој неколку години водел правен спор со општинските власти за имот кој бил негов.
По заканите, влегол во училиштето да гласа и се запалил.
Веднаш интервенирале противпожарните единици и полицијата кои успеале да го изгаснат огнот, а човекот е префрлен во болница.