Сопственикот на барот „Le Constellation“ во Кран-Монтана, Жак Морети, за прв пат проговори за трагедијата што се случи на новогодишната ноќ за 24houres.
Жак Морети одби да даде долго интервју, наведувајќи дека „не се чувствува добро“ по трагедијата. Пред да биде прекинат разговорот меѓу новинарот и Морети, сопственикот на барот истакна дека објектот бил проверен „три пати во последните десет години“ и дека „сè било организирано во согласност со стандардите“.
Весникот, исто така, наведе дека контактирале со општинските власти во врска со контролите, но канцелариите биле затворени поради празниците и дека градоначалникот ги упатил во полиција.
Двојката била испрашувана од обвинителството како „лица повикани да дадат информации“, што не значи дека се формално обвинети, но дека нивната можна вмешаност во случајот не е исклучена.
Според BFM, Жак Морети не бил во барот за време на пожарот таа ноќ, туку во еден од нивните два други објекти. Неговата сопруга, Џесика Морети, која била присутна на местото на настанот, се здобила со изгореници на раката, изјави извор близок до случајот за „Фигаро“.