СБ на ОН ги повика страните во украинскиот конфликт под итно да ги прекинат борбените дејствија

Од:

Советот за безбедност на ОН изрази загриженост од опасната ескалација на ситуацијата во источна Украина и страните во конфликтот ги повика под итно да ги прекинат борбените дејствија, пренесе ТАСС.

Советот ја осуди употребата на оружје, забрането во договорите од Минск, со кои се убиени и ранети луѓе, вклучувајќи и цивили, се наведува во соопштението, донесено на иницијатива на украинската делегација во ОН.

Членовите на Советот за безбедност повикуваат на итно враќање на режимот на прекин на огнот, се наведува во соопштението. Во него се изразува целосната поддршка за суверенитетот и територијалната целост на Украина и се истакнува важноста на примената на договорите од Минск и на резолуцијата 2202 за мирно надминување на конфликтот.

Советот за безбедност ги вклучува и Русија, и Украина, која во моментов е ротациски член. И двете земји го одобрија соопштението на Советот, забележаа британските медиуми.

Претходно, во текот на денот, Украина и Русија си упатија взаемни обвинувања за ескалацијата на борбите во индустрискиот град Авдеевка, што е под контрола на Киев. Украинската војска и руските сепаратисти се обвинуваат едни со други дека презеле офанзива со тешка артилерија и покрај договореното примирје.

Според официјалните податоци од неделата до сега се убиени осум и ранети се уште 26 украински војници.

Борбите без струја и вода оставија илјадници цивили.

Би можело да ве интересира

(ВИДЕО) Гранатирана е зграда на СБУ во која имало офицери на НАТО, досега се потврдени 15 починати странци

Песков: Неопходни се корекции на нуклеарната политика поради ескалацијата на тензиите

Руската воздушна одбрана синоќа уништи 125 украински беспилотни летала

Северна Кореја: Американската помош за Украина е „неверојатна грешка и луд чин“

Горан Наумовски

Блинкен: Темелно го проучуваме украинскиот план за победа и размислуваме за дополнителни активности

Шест лица загинаа во напад врз медицински центар во Суми