Властите на Саудиска Арабија ги предупредија луѓето кои се грижат за камили, да носат маски и ракавици, за да не се заразат со коронавирусот на блискоисточниот респираторен синдром.
Првпат вакво предупредување се упатува од властите на земјата, каде бројот на заразените од потенцијално фаталниот вирус изнесува 500 лица. Од нив околу една третина веќе починаа.
Саудиското Министерство за здравство предупредува да се јаде само термички обработено месо од камила, а млекото да се пие само откако ќе се свари.
Првиот случај на заразата беше регистриран пред две години.
Поврзаноста меѓу случаите кај луѓето и камилите е предмет на анализи на странски научници.