САД се подготвени да ја држат Русија подалеку од Артикот, изјави шефот на силите на САД во Европа, генерал Куртис Скапароти.
„Во моментов по отворена е рутата на Северното Море, постојат комерцијални и ресурсни интереси, а тоа создава конкуренција”, рече американскиот генерал пред Комитетот на Сенатот задолжен за вооружување.
Скапароти на сенаторите им посочи дека Русија веќе ги зајакнала своите одбрамбени капацитети, како и дека во областа има поставено голем број на многу напредни радарски системи.
„Како резултат на тоа, и ние го обновуваме нашиот план. Моравме да го промениме планот за распоредување на нашите сили, и да ги промениме нашите операции со цел да се испрати јасна порака дека Арктикот за нас е многу важен”, рече Скапароти.
US general says Washington ready to hold Russia back in #Arctic https://t.co/XxwuctEwkv pic.twitter.com/b9WKqjs7cI
— Sputnik (@SputnikInt) March 6, 2019
„Спутник“, кој ја пренесе неговата изјава дадена пред Сенатот, во написот потсетува дека Скапароти неодамна изјавил дека можноста за конфликт меѓу САД и Русија околу Артикот сега е мала, но истовремено нагласил и дека Русија значително ги зголемила предноста и операциите, а нејзините воени бази кои се поставени на Артикот служат за зајакнување на руската позиција.